Heimaþjónusta

Kaffi presentationGetum við aðstoðað þig?

Stundum þurfum við aðstoð við athafnir daglegs lífs vegna veikinda eða heilsubrests. Aðstandendur koma oft til bjargar en Sóltún Heima getur létt undir á heimilinu með ýmsum hætti.  Hér að neðan eru nokkur dæmi um það sem við getum gert fyrir aldraða í sjálfstæðri búsetu en þarfir þeirra og aðstandenda eru mjög misjafnar þannig að við hvetjum þig til að hafa samband ef þjónustan hér að neðan hentar ekki í síma 563 1400.

Aðstoð við athafnir daglegs lífs

Vantar þig aðstoð við að fara á fætur, matast eða nota salernið?  Áttu erfitt með að útbúa mat og ganga frá?

Hreint & fínt

Við viljum öll hafa hreint og fínt hjá okkur en stundum er það okkur ofviða af einhverjum ástæðum.  Sóltún Heima býður upp á fagleg þrif á heimilinu þínu frá íslenskumælandi starfsmanni.

Persónulegt hreinlæti

Sumir treysta sér ekki til að fara einir í bað af ýmsum ástæðum og þá getur Sóltún Heima hjálpað til.  Okkur líður öllum betur eftir hressandi bað.

Fullt hús matar

Við kíkjum á búrstöðuna, hendum því sem þarf og annað hvort fylgjum þér í búðina og höldum á þungu pokunum eða verslum fyrir þig.  Við getum gengið frá vörunum í ísskápinn og hillur.

Bæjarferð

Við keyrum þig í bæinn, fylgjum þér, höldum á pokunum og höldum þér félagsskap á meðan þú verslar það sem þig vantaði.  Hljómar skemmtileg tilbreyting? Kannski fáum við okkur kaffibolla í leiðinni?

Viðvera

Sumir eiga erfitt með að vera einir og aðrir geta ekki skilið maka sinn með heilsubrest eða heilabilun eina eftir heima þegar þarf að útrétta, sinna hreyfingu eða áhugamálum.  Við getum verið til staðar hjá ástvini þínum á meðan þú skreppur frá, spjallað, spilað, lesið upp dagblaðinu eða hvað sem styttir stundirnar.

Innlit

Félagsleg einangrun getur verið vandamál hjá mörgum öldruðum sem komast ekki mikið út úr húsi.  Við getum kíkt við eins og oft og óskað er eftir, annað hvort örstutt til að athuga líðan og kalla fram bros eða til að setjast aðeins niður yfir kaffisopa og spjalla um daginn og veginn.  Þetta getur breytt virkilega miklu fyrir einstaklinginn og aðstandendur.

Samvera

Maður er manns gaman en stundum eru vinir og ættingjar afskaplega önnum kafnir.  Það er ekkert að því að fá smá félagsskap af og til eða reglulega.  Segðu okkur hvað þú hefur áhuga á og við finnum manneskju sem þú getur spjallað við og ekki verra ef þið kíkið út í göngutúr til að fá ferskt loft saman.

Heimahreyfing

Sóltún Heimahreyfing er góð fyrir bæði líkama og sál.  Þú færð bæði heimsókn og hreyfingu um leið og þú styrkist líkamlega.  Það gæti nefnilega endað þannig innan 3ja mánaða að þú þyrftir minni aðstoð við athafnir daglegs lífs eftir Sóltún Heimahreyfingu.  Skoðaðu hana hér.

Hafa samband

Heyrðu í okkur ef þú vilt skoða málið í síma 563 1400 eða með tölvupósti á netfangið soltunheima@soltunheima.is.  Þú getur skoðað verðskrána okkar hér.

Vantar þig meira en heimaþjónustu?  Kíktu á þjónustu okkar í heimahjúkrun hér.