Algengt að fá aðstoð inn á heimilið

skrifaði

Í dag er mun algengara að fólk fái aðstoð inn á heimilið í formi félagslegrar aðstoðar og einnig að létt sé undir með heimilisþrif til að létta undir með fjölskyldunni. Þegar heilsan brestur getur skipt sköpum að fá heimaþjónustu. Félagsleg þjónusta sveitarfélaga og heimahjúkrun geta breytt miklu fyrir þá sem ekki geta búið einir heima. Sumir velja að fá persónulega þjónustu heim á sínum eigin forsendum og styrkja sig í leiðinni með heimahreyfingu frá Sóltúni Heima.

Mikilvægt að halda virkni og styrkja sig

Mjög mikilvægt er að aldraðir haldi virkni, andlegri líðan og líkamlegri heilsu, ekki síst á þessum tímum þegar fólk heldur sig meira heima af ótta við smit af COVID-19.

Sóltún Heima býður upp á heimaþjónustu, heimahjúkrun og heilsueflingu fyrir fólk. Áhersla er lögð á persónulega þjónustu við aldraða og aðstandendur þeirra. Ásdís Halldórsdóttir, íþróttafræðingur og forstöðumaður heilsu & vellíðunar hjá Sóltúni Heima, segir að þegar heilsunni hrakar vegna aldurs eða sjúkdóma geti orðið meiri þörf fyrir aðstoð við athafnir daglegs lífs og hreyfingu.

„Við mælum með því að leggja áherslu á hreyfingu og sérstaklega styrktarþjálfun nú sem endranær. Sérstaða okkar hjá Sóltúni Heima er að liðsinna öldruðum á sínu heimili með þær þarfir sem einstaklinginn vantar að uppfylla og um leið styrkjast með markvissum æfingum þannig að viðkomandi verði sjálfstæðari,“ segir Ásdís.

Hreyfing minnkar verki

Við vitum að hreyfing minnkar verki og þegar árin færast yfir er nauðsynlegt að stunda reglulega hreyfingu. Stór hluti fólks finnur fyrir breytingum í líffærakerfinu, liðir verða stífari, vöðvarýrnun verður, minni kraftur, hreyfingarskerðing, liðbrjósk eyðist og þessu fylgja oft verkir. „Við mælum með styrktarþjálfun að minnsta kosti tvisvar í viku. Einnig er gott að stunda göngur, sem eru hressandi fyrir alla, ekki síst andann á þessum tímum; náttúran og súrefnið nærir okkur, auk þess er mjög gott að gefa sér tíma í slökun, stunda djúpöndun og hugleiðslu í nokkrar mínútur á dag, til að draga úr spennu og auka vellíðan,“ segir Ásdís.

Heimahreyfing Sóltúns Heima er danskt æfingakerfi sem heitir DigiRehab og er hannað af dönskum sjúkraþjálfurum. Það hefur reynst mörg þúsund eldri borgurum í Danmörku mjög vel og bætt lífsgæði. Hér á landi hefur heimahreyfingin verið í boði í nokkur ár. Sérhæfður starfsmaður kemur heim tvisvar í viku, leiðbeinir og fer eftir sérsniðnu æfingakerfi þar sem áherslan er lögð á að bæta styrk og jafnvægi. Flestir fara í þriggja mánaða prógramm en margir hafa verið í áskrift hjá okkur í marga mánuði og sumir í upp undir þrjú ár,“ bendir Ásdís á.

Gönguhraði

Gönguhraði og skreflengd minnkar með aldrinum en gönguhraði getur gefið til kynna byltuhættu hjá eldra fólki. Aðrir þættir hafa einnig áhrif eins og til dæmis slæm sjón, BMI-stuðull og stoðkerfisvandamál. Ef gönguhraði einstaklings minnkar um meira en 0,15 m/s að meðaltali á ári, þá er það vísbending um aukna byltuhættu,“ segir Ásdís. „Regluleg hreyfing með áherslu á styrktarþjálfun getur aukið gönguhraða, bætt jafnvægið og minnkað hættu á byltum. DigiRehab mælir gönguhraða á sex vikna fresti. Eitt af okkar markmiðum er að viðhalda eða auka gönguhraða til að bæta öryggi og lífsgæði,“ bætir Ásdís við.

Heimilisaðstoð sem skiptir fjölskylduna máli

Þórdís Gunnarsdóttir er teymisstjóri heimaþjónustu hjá Sóltúni Heima, en boðið er upp á margvíslega þjónustu fyrir eldri borgara sem búa heima. Fólk ætti að fjárfesta í heilsunni og eyða í sjálft sig til að njóta æviáranna.

„Við getum komið inn með félagslegt innlit, aðstoðað við lyfjagjafir, heimahjúkrun, farið í verslun fyrir fólk eða aðstoðað það við að kaupa inn á netinu. Einnig getum við hjálpað einstaklingnum að komast í samband við ættingja sína í snjalltæki. Það skiptir sköpum í lífsgæðum fólks.

Við aðstoðum við heimilisstörf eins og að skipta á rúmum, þvo og ganga frá þvottinum. Við erum mjög sveigjanleg með verkefni og göngum í það sem við erum beðin um. Einnig förum við í göngutúra með okkar fólk.

Svo er mikil eftirspurn eftir heimahreyfingunni okkar sem tekur aðeins 20-30 mínútur í senn. Fólk er alsælt með þessa þjónustu og finnur fljótt mun á sér. Síðan er vinsælt að tvinna saman heimahreyfingu og aðstoð við böðun. Bónusinn er gott kaffispjall,“ segir Þórdís.

„Við leggjum mikla áherslu á sóttvarnir þegar við komum inn á heimili fólks og fylgjum öllum reglum. Einnig tökum við að okkur heimilisþrif. Við fáum mikið hrós fyrir fagleg þrif og góða nærveru okkar íslenskumælandi starfsfólks,“ segir Þórdís.

Mikilvægt að létta á fjölskyldunni

Reynslan hefur sýnt að aukin aðstoð inni á heimili aðstandenda léttir mikið á fjölskyldunni. Þórdís leggur áherslu á að fjölskyldan hittist og njóti samverustunda í kærleika og gleði. „Á tímum kórónaveirunnar halda margir aldraðir sig meira heima, þá draga þeir að sjálfsögðu úr líkum á að smitast en við megum ekki gleyma að sinna okkar líkamlegu og andlegu þörfum og athöfnum daglegs lífs. Sumir geta heldur ekki búið einir án aðstoðar, eiga kannski engan að og þar getum við komið inn,“ heldur Þórdís áfram. „Einnig getum við verið til staðar fyrir fólk þegar makinn þarf að fara að heiman. Við lesum bækur, dagblöð, spilum eða styttum stundir á annan hátt. Þessi aðstoð dregur úr einangrun fólks. Við mælum með að aðstandendur nýti sér þjónustu okkar, svo að gæðastundir fjölskyldunnar verði fleiri og betri.“

Ofangreind kynning var birt í Fréttablaðinu 30. september 2020.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s